Асосий -> Институт ҳакида -> Кафедралар ва бўлимлар -> Маъмурий-хўжалик ишлари бўлими

Маъмурий-хўжалик ишлари бўлими

МАЪМУРИЙ-ХЎЖАЛИК ИШЛАРИ БЎЛИМИ

НИЗОМИ

 

 I. Умумий қоидалар

  1. Маъмурий-хўжалик  ишлари бўлими  Ўзбекистон Республикаси Давлат статистика қўмитаси ҳузуридаги Кадрлар малакасини ошириш ва статистик тадқиқотлар институтининг (кейинги ўринларда Институт деб аталади) таркибий бўлинмаси ҳисобланади.
    1. Бўлим фаолияти институтда ишлаб чиқариш жараёнини шакллантириш    ва амалга оширишга йўналтирилган.
    2. Бўлим ўз фаолиятида Ўзбекистон Республикаси Конституциясига, Ўзбекистон  Республикасининг “Давлат статистикаси тўғрисида”ги қонунига,  Олий Мажлис палаталари қарорларига, Ўзбекистон Республикаси Президенти фармонлари, қарорлари, фармойишларига, Вазирлар Маҳкамаси қарорлари                                        ва фармойишларига, бошқа қонун ҳужжатларига,  институт Уставига ҳамда мазкур Низомга амал қилади.
    3. Бўлим ўз ваколати доираси бўйича масалаларни  Давлат статистика қўмитаси аппаратининг  тегишли таркибий бўлинмалари, вазирлик ва идоралар билан ўзаро ҳамкорликда олиб боради.
    4. Бўлим ўз фаолиятини институт директори ва директор ўринбосарлари раҳбарлигида амалга оширади.

 II. Бўлимнинг  асосий вазифалари ва функциялари

Бўлимнинг асосий вазифалари қуйидагилардан иборат:

институт фаолияти учун зарур бўлган материал ресурслар билан таъминлаш (материаллар, заҳира қисмлар, асбоб - ускуналар, хўжалик инвентарлари ва б.), хўжалик шартномаларини тузиш;

техник воситалар билан таъминлаш;

хизмат кўрсатувчи ва таъминотчи корхоналар билан хўжалик алоқаларини кенгайтириш чораларини кўриш, шартнома шартлари бажарилишини назорат қилиш;

хизмат кўрсатувчи ва таъминотчилар томонидан шартномада кўрсатилган талабларнинг бузилишида уларга нисбатан эътироз билдириш ва шартномаларга ўзгартириш киритиш;

хўжалик омборлари иш фаолиятини ташкил этиш, омборларга қабул қилинган материал бойликларни сақлаш чораларини кўриш, уларни қайд қилиш ва ҳисоботларни олиб бориш, ушбу материаллар билан институт бўлимларини таъминлаш;

материал бойликларни хўжалик мақсадларда самарали ишлатилишини назорат қилиб бориш;

материал қийматлар ҳамда институт хизмат ва ўқув хоналаридаги жиҳозларни ҳар йили рўйхатдан ўтказиш;

ҳужжатларни рўйхатдан ўтказиш, жойларга етказиш ва ижросини таъминлаш ҳамда назорат қилиш;

архив ишларини назорат қилиш;

институт хизмат ва ўқув хоналарига хўжалик хизмат кўрсатиш, иситиш тармоқлари,ёритиш ускуналарининг техник ҳолатини назорат қилиш;

таъмирлаш ишларини олиб бориш ва уларнинг сифатли бажарилишини назорат қилиш;

келгуси йил учун иш режаларини тузиш, жорий ва капитал ишлари учун хўжалик смета ҳужжатларини тайёрлаш ва тузиш;

ободонлаштириш ишларини ташкил этиш;

институт атрофини тозалаш, институт биноларининг фасад қисмини байрам арафасида безатиш;

автотраспортнинг техник ҳолатини назорат қилиш, ўз вақтида таъмирлаш ишларини ташкил этиш;

ўт ўчириш ускуналарини ишлаш ҳолатини назорат қилиш, ёнғинга қарши тадбирларни олиб бориш;

бўлимга тааллуқли масалалар бўйича хатлар, таклифлар, аризалар, фуқаролар ва институт ходимлари мурожаатларини белгиланган муддатларда кўриб чиқилиши ва ижро интизомига риоя этилишини таъминлаш.

 III. Бўлимнинг ҳуқуқлари ва мажбуриятлари

Бўлим ўз зиммасига юкланган вазифалар ва функцияларни бажариш учун қуйидаги ҳуқуқларга эга:

институт раҳбарияти ўтказадиган йиғилишлар ва кенгашлар ишида қатнашиш;

ўз ваколати доирасидаги масалалар бўйича маълумотларни ва зарур бўлган материалларни корхона ва ташкилотлардан сўраш;

бўлим фаолияти билан боғлиқ масалаларни ҳал этиш учун институтнинг ходимларини жалб этиш (раҳбарлар билан келишган ҳолда).

  1. Бўлим қуйидаги мажбуриятларга эга:

ушбу Низомда ва бошқа қонун ҳужжатларида юкланган вазифаларни зарур даражада ва самарали бажариш;

институтнинг байрам  ва юбилей тадбирларини   ташкиллаштириш;

жисмоний ва юридик шахсларнинг мурожаатларини ўз вақтида кўриб чиқиш;

бўлимда сақлаш муддати ўтган ҳужжатларни  идоравий архивга сақлаш учун топшириш.

 IV. Бўлим фаолиятини ташкил этиш 

  1. Бўлим фаолияти Ўзбекистон Республикасининг “Давлат статистикаси тўғрисида”ги қонуни, институт Устави, ушбу Низом, институт буйруқлари   ва топшириқлари асосида ташкил этилади.

Бўлим ходимларининг лавозим йўриқномалари  бўлимга юклатилган вазифалардан келиб чиққан ҳолда тайёрланади ва институт директори томонидан  тасдиқланади.

Бўлим ваколатига  кирадиган масалаларни муҳокама  қилишда  идора ва ташкилотларда институт номидан қатнашади.

 V. Бўлимнинг жавобгарлиги

Бўлим:

институтда хўжалик ишларини йўлга қўйиш ва амалга ошириш учун;

меҳнат қонунчилиги меъёрларига риоя этилишини таъминлаш учун;

институт ходимларига тегишли шарт-шароитларини яратилиши  учун;

бўлимга тегишли маълумотларнинг (зарур ҳолларда) махфийлигини таъминлашга, келиб тушган ва чиқаётган материалларнинг сақланишини таъминлаш учун жавоб беради.

Бўлим Ўзбекистон Республикаси  Президенти  ва Вазирлар Маҳкамаси томонидан белгиланган энг муҳим устувор вазифалардан келиб чиқиб, шунингдек Ўзбекистон Республикасининг “Давлат статистикаси тўғрисида”ги қонуни, институт  Устави  ҳамда ушбу Низомда белгиланган вазифалар, функциялар, мажбуриятларни тўлиқ, ўз вақтида   ва сифатли амалга оширилиши, ўзига берилган ваколатлар, ҳуқуқлардан қонун ҳужжатларига мувофиқ фойдаланилиши учун жавоб беради.  



  • X
    Комментарий: Имя: Email:
    Введите код с картинки: