Институт ҳакида

 


   Ўзбекистон Республикаси Давлат статистика қўмитаси ҳузуридаги Кадрлар малакасини ошириш ва статистик тадқиқотлар институти жамоаси Ўзбекистон халқини ва барча сайтдан фойдаланувчиларни янги 2020 йил – “Илм, маърифат ва рақамли иқтисодиётни ривожлантириш йили” билан самимий табриклайди. Янги йилда барчага мустаҳкам соғлик, оилавий бахт ва хотиржамлик, яхши кайфият ва хурсандчилик, ҳар бир кун баракали бўлишини ҳамда барча эзгу-ниятлар тўлиқ ушалишини тилаймиз.

    Барчага янги 2020 - йил муборак бўлсин!

 


Давлат статистика қўмитаси ҳузуридаги Кадрлар малакасини ошириш ва статистик тадқиқотлар институти собиқ Кадрларни қайта тайёрлаш ва статистика тадқиқотлари марказининг ҳуқуқий вориси ҳисобланади.  

Институт ўз фаолиятини Давлат статистика қўмитасининг  2019 йил 10 сентябрдаги 94-сонли буйруғи билан тасдиқланган Уставга (Тошкент шаҳар, Мирзо Улуғбек тумани Давлат хизматлари марказида 2019 йил 11 сентябрда рўйхатга олинган), ҳар йили Давлат статистика қўмитаси томонидан тасдиқланадиган давлат статистика органлари ходимларининг малакасини ошириш ва қайта тайёрлаш дастури ҳамда статистика тадқиқотларини амалга ошириш дастурига мувофиқ амалга оширади.

Институт фаолиятининг асосий мақсади - давлат статистика органлари ходимларининг малакасини оширишни тизимли асосда самарали ташкил қилиш, ўқитиш жараёнига ахборот-коммуникация технологияларини ва инновацион усулларни кенг жорий этиш, иқтисодий ва ижтимоий соҳаларда, шунингдек тармоқлар ва минтақавий муоммолар бўйича статистик тадқиқотларни олиб боришдан иборат. Тизим ходимларини қайта тайёрлаш ва малакасини ошириш бўйича институтда 2 та кафедра, иқтисодий ва ижтимоий соҳаларда, ҳамда тармоқлар ва минтақавий муаммолар бўйича статистик тадқиқотларни олиб бориш бўйича 3 та бўлим ташкил этилган.

Институтда “Ўзбекистон статистика ахборотномаси” чораклик электрон илмий журнали (www.statmirror.uz, Ахборот ва оммавий коммуникациялар агентлигининг 2019 йил 27 августдаги 1309-сон гувоҳномаси) нашр этилади. Олий аттестация комиссияси Раёсатининг 2019 йил 30 сентябрдаги 269/2-сон қарорига асосан, “Эконометрика ва статистика” ҳамда “Иқтисодиётда ахборот тизимлари ва технологиялари” ихтисосликлари бўйича иқтисодиёт фанлари доктори илмий даражасини берувчи илмий кенгаш (DSc.30.09.2019.I.92.01 рақамли) фаолият юритади. Мос равишда, ҳар йили ажратиладиган қабул квоталарига асосан, илмий изланувчилар учун мазкур ихтисосликлар бўйича таянч докторантура ва докторантура ташкил этилади.

    Курсы на ближайший месяц!
Новости

Илмий даража бериш бўйича илмий кенгаш

27-01-2020

Ўзбекистон Республикаси Вазирлар Маҳкамасининг 2019 йил 17 августдаги 686 - сонли “Ўзбекистон Республикаси Давлат статистика қўмитаси ҳузуридаги Кадрлар малакасини ошириш ва статистик тадқиқотлар институти фаолиятини ташкил этиш чора-тадбирлари тўғрисида”ги қарорига мувофиқ, Вазирлар Маҳкамаси ҳузуридаги Олий аттестация комиссияси (ОАК) Раёсатининг 2019 йил 30 декабрдаги 272/2 - сон қарори ва унинг ижросини таъминлаш мақсадида қабул қилинган ОАК Расининг 2019 йил 30 декабрдаги 378 - сон қарори билан Институт ҳузурида “Эконометрика ва статистика” ҳамда “Иқтисодиётда ахборот тизимлари ва технологиялари” ихтисосликлари бўйича фалсафа доктори (PhD) ва фан доктори (DSe) илмий даражасини бериш бўйича илмий кенгаш (Dse.30.12.2019.I.92.01) ташкил этилди.

Давлат статистика қўмитасининг янги логотипи ишлаб чиқилди

07-01-2020

Мамлакатимизда иқтисодиётнинг бошқа тармоқлари қатори статистика соҳаси ҳам тубдан ислоҳ қилиниб, унга халқаро стандартлар ва илғор жаҳон тажрибаси кенг татбиқ этилмоқда. Натижада, бундай ислоҳотлар замирида статистика идоралари мамлакатимизнинг муҳим макроиқтисодий кўрсаткичларини замонавий усулларда аниқлик, шаффофлик ва ошкоралик тамойиллари асосида шакллантириши кўзда тутилган.

Ўзбекистон зиёрат туризмини ривожлантириш учун қулай манзил

05-10-2018

“Ўзэкспомарказ”да "Ипак йўлида туризм" Тошкент халқаро сайёҳлик ярмаркаси давом этмоқда. Жаҳон сайёҳлик соҳасидаги йирик воқеалардан ҳисобланган ушбу кўргазма доирасида турли тақдимотлар, амалий музокаралар ўтказилмоқда. ЎзА мухбирлари ана шу жараёнда фаол иштирок этаётган маҳаллий ва хорижлик меҳмонларнинг фикрлари билан қизиқди. Аҳмад Холид АЛ-ЖИЙРОН, Кувайт давлатининг Ўзбекистондаги Фавқулодда ва мухтор элчиси: